 |
| Макрафаг захоплівае бактэрыі. |
Макрафагі - гэта імунныя клеткі, якія выконваюць шмат функцыяў у нашых целах: яны дапамагаюць нашым ранам гаіцца, абараняюць нас ад патагенных бактэрый зьнішчаюць загінулыя клеткі. Але у гэты сьпіс спраў макрафагаў, можа дадацца яшчэ адзін пункт.
У новым дасьледваньні навукоўцы прыйшлі да высновы, што макрафагі граюць важную ролю ў нармальнай рабоце сэрца: было заўважана, што макрафагі могуць праводзіць электрычныя імпульсы. Гэта можа зьмяніць мэтады лекаваньня арытміі, калі сэрца б'ецца ў розных рытмах, і іншых хвароб.
Тут варта прыгадаць, што клеткі сэрца не зусім звычайныя, яны могуць выпрацоўваць электрычны імпульс і адначасова з гэтым скрачацца, для гэтага ім нават не патрэбныя каманды ад галаўнога ці сьпіннога мозга. Скарачаюцца кардыяміяцыты самастойна, але вось каб яны паслабіліся ўжо патрэбна ўмяшальніцтва “”зьверху”. Што тычыцца электрычнага імпульса, то яго выпрацоўваюць так званыя клеткі-кіроўцы. Большасьць такіх клетак маюць шчыльныя стасункі: яны злучаюцца паміж сабой сваеасаблівымі бялковымі дратамі, якія дапамагаюць клеткам сынхранізаваць сваю дзейнасьць.
Аднак Матыяс Нарэндорф са сваімі калегамі з Гарвардзкага унівэрсытэта, выпадкова заўважылі, што ў перадачы электрычных імпульсаў удзельнічаюць не толькі клеткі сэрца, але і макрафагі. Цікава тое, што макрафагі звычайна прысутнічаюць ў запаленых і заражаных тканках, аднак у сэрцы яны чамусьці знаходзяцца стала. Менавіта гэта і падштурхнула навукоўцаў на дасьледваньне.
Як гэта часта бывае, пачалося ўсё з мышэй. Нейкую частку жывёл дасьледнікі пазбавілі макрафагаў у сэрцы і назіралі як сэрца будзе паводзіць сябе пры нагрузках. Вынікі такога экспэрымнту былі нечаканымі - работа сэрца значна пагоршылася, а пры кардыяграме высьветліліся і іншыя сур'ёзныя парушэньні. Такі внік прымусіў навукоўцаў вызначыць разьмеркаваньне макрафагаў у сэрцы мышэй з кантрольнай групы. Апынулася, што большая частка імунных клетак знаходзілася наўпрост каля таго месца, дзе электрычны імпульс ад клетак-кіроўцаў распаўсюджваўся на мускулы сэрца. Ужо пасьля гэтага, з дамапогай фізыёлягаў,высьветлілася, што макрафагі могуць выпрацоўваць ток і выконваць функцыю дадатковых дратоў, яднаючых кардыяміяцыты. Усё гэта дапамагае скарачацца сардэчнай цягліцы, нават калі ў выніку нейкага парушэньня частка яе клетак страціла сувязь з клеткамі-кіроўцамі.