cblnq

Непакой не надта прыемнае пачуцьцё. Падчас працяглых хваляваньняў чалавек можа страціць сон, апэтыт ці есьці ўсё запар. Аднак псыхолягі з Каліфарнійскага ўнівэрсытэта ў Рыверсайдзе мяркуюць , што не ўсё так змрочна і непакой можа станоўча ўплываць на эмацыйную і матывіровачную сфэру асобы. Непакой наконт неазначанасьці будучыні досыць распаўсюджаная зьява. У псыхатэрапіі для яе нават існуе асобная назва - экзыстэнцыяльная мітусьня. Звычайна такая рэакцыя ўспрымаецца як негатыўная. Так большасьць дасьледваньняў мінулых гадоў паказалі на наяўнасьць сувязі паміж непакоем і рызыкай узьнікненьня пухліны, дэпрэсіі. У той жа час хваляваньні могуць станоўча ўплываць на псыхіку чалавека. У прыватнасьці, стымуляваць аналітычныя здольнасьці і суб'ектыўна паляпшаць якасьць жыцьця. Прааналізаваўшы ранейшыя дасьледваньні, навукоўцы паказалі, што прынамсі ў дзьвюх сытуацыях (прафіляктыка і неазначанасьць)экзыстэнцыяльная мітусьня мае матывіровачны эфэкт. Вядома, што непакой стымулюе кары...

Лічыцца, што Сонца сфармавалася каля 4,59 мільярдаў гадоў таму. Гэта прыкладна палова яго жыцьцёвага шляху. Уран 238 мае перыяд паўраспаду 4,51 мільярдаў гадоў. Цікава адкрыць эвалюцыйнае дрэва чалавека і параўнаць датыроўкі з перыядам паўраспаду радыяактыўных элементаў. А яшчэ варта паглядзець фільм пра тое, як уран зьмяніў сучасны сьвет. Уран. Хвост цмока ч.1 Уран. Хвост цмока ч.2 У фільме таксама закранаецца тэма наступстваў аварыі на ЧАЭС. Таксама Радыё Свабода зрабіла шыкоўны мікрасайт да 30-й гадавіны Чарнобыльскай катастрофы. Паглядзець можна тут . Крумкач у зоне адчужэньня пасьля аварыі на Чарнобыльскай АЭС. Фота: Васіль Федасенка

Вядома, што газаваныя напоі здароўя людзям не дадаюць, але ж цікаўнасьць да іх вывучэньня не падае. Не так даўно дасьледнікі з ЗША выявілі сувязь паміж ужываньнем напояў з высокім утрыманьнем цукру (газаваныя напоі, сокі) і атрафіяй галаўнога мозагу. Памяньшэньне памераў ніжніх аддзелаў мозагу і пагаршэнье памяці назіралася ў аматараў газаваных напояў, пры гэтым у тры разы павялічваўся шанец атрымаць закаркаваньне судзінаў ці інсульт. У параўнаньні з кантрольнай суполкай, сярэдні аб'ём мозгу ў тых, хто выпіваў па некалькі порцый салодкіх напояў за дзень быў меньшым на 1%. Такія людзі запаміналі на 6% меней гісторый ад навукоўцаў, звязана гэта з памяньшэньнем на 2% аб'ёму гіпакампа, які зьяўляецца цэнтрам памяці. І хаця ў дасьледваньні былі ўлічаныя розныя захворваньні ўдзельнікаў, у прыватнасьці дыябет, навукоўцы не могуць пераканаўча заявіць пра наяўнасьць прычынна-сьледчай сувязі. Яны не выключаюць магчымасьць таго, што некаторыя парушэньні ў працы галаўнога...

Макрафаг захоплівае бактэрыі. Макрафагі - гэта імунныя клеткі, якія выконваюць шмат функцыяў у нашых целах: яны дапамагаюць нашым ранам гаіцца, абараняюць нас ад патагенных бактэрый зьнішчаюць загінулыя клеткі. Але у гэты сьпіс спраў макрафагаў, можа дадацца яшчэ адзін пункт. У новым дасьледваньні навукоўцы прыйшлі да высновы, што макрафагі граюць важную ролю ў нармальнай рабоце сэрца: было заўважана, што макрафагі могуць праводзіць электрычныя імпульсы. Гэта можа зьмяніць мэтады лекаваньня арытміі, калі сэрца б'ецца ў розных рытмах, і іншых хвароб. Тут варта прыгадаць, што клеткі сэрца не зусім звычайныя, яны могуць выпрацоўваць электрычны імпульс  і адначасова з гэтым скрачацца, для гэтага ім нават не патрэбныя каманды ад галаўнога ці сьпіннога мозга. Скарачаюцца кардыяміяцыты самастойна, але вось каб яны паслабіліся ўжо патрэбна ўмяшальніцтва “”зьверху”. Што тычыцца электрычнага імпульса, то яго выпрацоўваюць так званыя клеткі-кіроўцы. Большасьць такіх клетак маю...

Наколькі маленькай можа быць жывая істота? Калі задацца такім пытаньнем, то першае, што прыйдзе на думку - аднаклеткавыя арганізмы, бактэрыі. І гэта будзе правільным адказам, бо сярэдні памер бактэрый складае 0,5 - 5 мкм. Вядома яшчэ ёсьць вірусы, якія маюць значна меньшы памер, але гэта ўжо неклеткавыя арганізмы, да таго ж ня здольныя самастойна існаваць. Таму іх у разьлік не бяруць. Але не так даўно высьветлілася, што паміж бактэрыямі і вірусамі існуюць яшчэ звышмалыя бактэрыі. На працягу двух дзесяцігодзьдзяў сярод навукоўцаў вяліся спрэчкі наконт існаваньня такіх арганізмаў: адныя дапускалі іх наяўнасьць, хоць доказаў асабліва й не было, другія былі ня згодныя з гэтым. Некаторыя выказвалі меркаваньне, што калі і існуюць звышмалыя бактэрыі, то іх клеткі настолькі малыя, што ўсе бактэрыяльныя сыстэмы і арганэлы будуць няздольныя там зьмясціцца. І, падобна, гэта насамрэч так. У 2015-м годзе, амэрыканскія дасьледнікі здолелі не проста вылучыць з глебавай вільгаці, але і сфа...