cblnq

Дасьледнікі з Унівэрсытэту Джона Кёртына (Аўстралія) вывучылі , колькі часу людзі праводзяць у сацыяльных сетках і як гэта адбіваецца на іхнім псыхічным стане. Насуперак распаўсюджанаму меркаваньню, вынікі паказалі, што колькасьць часу ў сацсетках амаль не ўплывае на дэпрэсію, трывожнасьць або стрэс. У досьледзе ўзялі ўдзел больш за 400 чалавек (17-53 гады). У адрозьненьне ад папярэдніх дасьледаваньняў, дзе ўдзельнікі самастойна ацэньвалі час, праведзены ў сацыяльных сетках, гэтым разам навукоўцы выкарыстоўвалі зьвесткі зь іх мабільных тэлефонаў, каб дакладна зафіксаваць, колькі хвілін яны правялі ў анлайн-прасторы. Затым гэтыя зьвесткі параўналі з узроўнямі трывожнасьці, дэпрэсіі й кантролю ўвагі. Асноўны вынік аказаўся нечаканым: час у сацсетках амаль не ўплывае на псыхічнае здароўе. Напрыклад, дасьледнікі знайшлі слабую сувязь паміж карыстаньнем сацсеткамі й трывожнасьцю, але сувязі з дэпрэсіяй і стрэсам не выявілі. Больш за тое, аказалася, што людзі, якія больш актыўна карыстаюцца ...

Хмель надае піву характэрную горыч, аднак праз зьмены ў клімаце яго будзе складаней вырошчваць у Эўропе. Спад ураджайнасьці назіраецца ўжо цяпер. Дасьледнікі аналізавалі  зьвесткі пра ўраджайнасьць на некаторых плянтацыях у Чэхіі, Нямеччыне, Славаччыне й Польшчы, бо менавіта гэтыя краіны зьяўляюцца асноўнымі вытворцамі духмянага хмелю ў Эўропе. У выніку аўтары заўважылі тэндэнцыю зьніжэньня ўраджайнасьці на 9.5-19.4% на чатырох плянтацыях у пэрыяд з 1995 па 2018 гады. Таксама адзначаецца зьніжэньне канцэнтрацыі горкіх злучэньняў. Аўтары мяркуюць, што калі такая тэндэнцыя захаваецца, вытворцам трэба будзе пашырыць плошчы вырошчваньня хмелю на 20%, але й гэта не дасьць гарантый, бо хмель патрабуе даволі спэцыфічнага спалучэньня клімату й глебы. У якасьці выйсьця можна разглядаць генную мадыфікацыю некаторых гатункаў расьліны так, каб тыя спакойна перажывалі высокія тэмпэратуры й засуху, але ж ГМ-арганізмы забароненыя ў Эўропе.

Нашая здольнась распазнаваць візуальныя вобразы ўяўляе сабой складаны механізм з цікавым пабочным эфэктам. Кожны з нас бачыў "твар марса" у школьным падручніку па астраноміі, альбо выпадкова заўважаў "сумуючы дом" ці вясёлую пральную машыну. Гэты эфэкт мае ўласную назву - парэйдалічная ілюзія, албо проста парэйдалія. Працяглы час лічылася, што фармаваньне вобразаў з выпадковага спалучэньня рэчаў уласьцівае толькі чалавеку, аднак работа, апублікаваная ў часопісе Current Biology, абвяргае такое меркаваньне. Джэссіка Таўбэрт з калегамі з Нацыянальнага інстытуту псыхічнага здароўя паведамляюць пра вынікі незвычайных эксперымэнтаў, пастаўленых ў лябараторыі на пяці макаках-рэзусах. Каб высьветліць, ці схільныя макакі да парэйдаліі, ім дэманстраваліся пары 45 выяў у розных спалучэньнях, пры гэтым на 15 выявах былі выявы, выклікаючыя стабільную парэйдалію ў лбюдзей, яшчэ 15 здымкаў падобных аб'ектаў, але не зьвязаных з парэйдаліяй. Акрамя таго, макакам дэманс...

У інстаграме досыць шмат уліковых запісаў, якія цалкам складаюцца з публікацый чорна-белых фатаздымкаў. Мне таксама падабаецца чб. Але існуе сваеасабовы мэм, что чб гэта дэпрэсія. Ці так гэта насамрэч? Дасьледнікі з Гарварда і Унівэрсытэта Вэрманта прадставілі алгарытм, які здольны выявіць дэпрэсію на першах стадыях з 70% эфэктыўнасьцю. Па словах вынаходнікаў, лекары агульнай практыкі безпамылкова дыягнастуюць патлумленьне толькі ў 42% выпадкаў. У сваю чаргу, навукоўцы прааналізавалі 43950 фатаздымкаў з 166 уліковак у праграме Інстаграм. У 71 удзельніка дасьледваньня калі-небудзь дыягнаставалі джпрэсію. Каб выцявіць інтэнсіўнасьць праяўленьняў дэпрэсіі, навукоўцы выкарыстоўвалі адмысловую апытанку CES-D (Center for Epidemiologic Studies Depression Scale). У такой апытанцы пацыента просяць ацаніць сваю згоду са сьцьвярджэньнямі кшталту “Я хацеў нашкодзіць сабе ” і “Я часта адчуваю сябе прыгенчаным”. На наступным этапе дасьледваньня, агульная колькасьць фатаздымкаў была с...

Ізраільскія навукоўцы заўважылі, што ў клетках адэнакарцыномы падстраўнікавай залозы бактэрыі здольныя разбураць малекулы гэмацытабіну – прэпарата, які выкарыстоўваецца пры хіміятэрапіі. Таксім чынам, мікраарганізмы спрыяюць росту ракавай пухліны, такму што тэрапія проста перастае дзейнічаць. Аднак на дапамогу прыйшлі антыбіётыкі,  прысутнасьць якіх патлумляе актыўнасьць бактэрыяў і аднаўляе эфэктыўнасьць хіміятэрапіі. Вынікі дасьледваньня апублікаваныя ў Science. Чацьвёртая па распаўсюджанасьці прычына сьмерці хворых на рак – рак падстраўніцы. Штогод  у сьвеце больш за 400 тысяч чалаве памірае ад гэтага захворваньня. У большасьці выпадкаў захворваньняў на рак падстраўніцы ў хворых дыягнастуецца адэнакарцынома , лекаваньне якой праводзіцца з дапамогай хіміятэрапіі з выкарыстоўваньнем гэмцітабіну, які ў сваю чаргу блякуе сынтэз ДНК у ракавых клетках і выклікае іх гібель.  У асобных выпадках лекары зьвяртаюцца да хірургічнага ўмяшаньня. У новым дасьледваньні аўтар...

Адзін з самых папулярных, калі не самы папулярны напой - кава. Чалавецтва выпівае прыкладна 2,25 млн. кубачкаў кавы за дзень. Не дзіва, што кава прыцягвае да сябе ўвагу дасьледнікаў. Каб пералічыць усе работы прысьвечаныя каве спатрэбіцца не адзін аркуш паперы. Дасьледнікі ўжо высьветлілі, што кавы станоўча спрыяе на стан печані, прастаты, стымулюе эрэкцыю й кагнітыўныя здольнасьці. Але пытаньне наконт таго, як кава ўплывае на працягласьць жыцьця заставалася без адказу да 2015 году, калі японскія навукоўцы, па выніках праверкі 90 000 ахвотнікаў, прыйшлі да высновы, што пры вызначаных абставінах кава можа станоўча ўплаваць на працягласьць жыцьця. Варта ўсё-ткі адзначыць, што падобныя работы былі і раней, але зь меньшай выбаркай і вынікі там былі непераканаўчымі. Каб павысіць надзейнасьць вынікаў, спэцыялісты Міжнароднай агенцыі па вывусэньню рака (IARC), Імпэрскага каледжу Лёндана і іншых устаноў скарысталі дадзеныя доўгатэрміновага дасьледваньня EPIC. У выніковую выбарку трапілі 451 ...