Крыху радзей за некаторыя краіны, але і ў Беларусі бываюць спрэчкі наконт рэклямы, яе зьместа і ўвогуле, ці варта будаваць рэклямную кампанію на сэксе. Вытворцы, натуральна, кажуць, што ў іх ўсё расьце, я пра продаж, рэклямнікі таксама топяць за тое, што сэксуалізаваная рэкляма лепей прадае. Гэта з аднаго боку, з другога стаяць феміністкі, якія кажуць, што такая рэкляма не мае нейкай высокай эфэктыўнасьці. Паставіць кропку ў гэтай спрэчцы паспрабавалі амэрыканскія дасьледнікі, якія правялі аналіз работ, прысьвечаных успрыманьню сэксуальнай рэклямы.
Для аналізу ўзялі 72 навуковыя работы, якія былі апублікаваныя ў перыяд з 1969 па 2017 гады. Акрамя ацэнкі таго, як эратычныя вобразы зьвязаныя з успрыманьнем рэклямы брэндаў і верагоднасьцю набыцьця тавара ці паслугі, аўтары зьвярнулі ўвагу на залежнасьць паказьнікаў ад пола рэспандэнтаў, ад пола мадэлі, што брала ўдзел рэкляме і іншыя фактары.
Агулам каманда разглядзела 17704 выпадка, пасьля чаго прыйшла да высновы, што сэксуальнасьць аб'яў не карэлюе з пазнавальнасьцю брэндаў ці тавараў. Хоць людзи сапраўды лепей запаміналі сэксуалізаваную рэкляму, аданак ў сярэднім ацэньвалі брэнд ніжэй.
Падобная тэндэнцыя назіралася і ў выпадку адсочваньня сувязей паміж полам мадэлі і спажыўца. Хоць адказы мужчын і жанчын адрозьніваліся, усе разам яны найгорш ацэньвалі рэкляму з мадэлямі мужчынскага полу. Разам з тым верагоднасьць пакупкі ніяк не залежыла ад сэксуальнасьці рэклямы.
Аднак варта адзначыць, што на этапе апрацоўкі дадзеных, навукоўцы атрымлівалі занадта вялікі раскід у паказьніках, што можа паказваць на недасканаласьць мэтадаў.
Спасылка на арыгінал: